News Portal

धोबीखोला आसपासको जग्गा पनि व्यक्तिका नाममा दर्ता !

मोटिभेटन्यूज संवाददाताकाठमाडौं
१८३ पटक
काठमाडौं

बैशाख २० काठमाडौ – काठमाडौंमा सार्वजनिक जग्गा व्यक्तिका नाममा दर्ता भएको कुरा एकपछि अर्कोगरी खुल्दै गएको छ । आजको नागरिक दैनिकले धोबीखोलाको जग्गा पनि व्यक्तिका नाममा दर्ता भएको विषयलाई प्रमुख समाचार बनाएको छ ।
नागरिक दैनिकका अनुसार नक्सा संशोधनका नाममा मालपोत कार्यालयका कर्मचारीसँगको मिलेमतोमा खोला आसपासको जग्गा व्यक्तिका नाममा दर्ता गरिएको हो।
नक्सा सुधारका नाममा करिब चार रोपनी सरकारी जग्गा विभिन्न व्यक्तिका नाममा दर्ता भएको हो। काठमाडौंको निलो पुल (गोपीकृष्ण हल) अगाडिको सरकारी जमिन सिट नम्बर १०२–०९८७–१५ मा साबिक नक्सा भिडाई कायम साबिक धोबीखोला कित्ता नम्बर ४३ बाट रोपनी कटाएर व्यक्तिको कित्ता नम्बर ३० मा घुसाएर विजय सम्बाहाम्फे र नन्दमाया लिम्बूका नाममा नक्सा सुधार गरिएको लालपुर्जा दिइएको छ।
साबिक चपली ९ (ग) २ मा पर्ने धोबीखोलाको जग्गा नयाँ नापी हुँदा कायम कित्ता नम्बर १३३, १३४ र १४३ समेतमा घुसाई व्यक्तिका नाममा दर्ता भएको छ। सम्बाहाम्फे लोयल्टी स्कुलका सञ्चालकसमेत हुन्। उनी र उनकी श्रीमतीका नाममा मात्रै चार रोपनी सरकारी जमिन दर्ता भएको छ।
खोला कायम भइसकेको कित्ताबाट क्षेत्रफल कटाएर नक्सा सुधार गरी खोलाको जग्गासमेत मिसाई कुलो पनि मासेर व्यक्तिका नाममा साबिकभन्दा थप ३–१५–०–१ जग्गा दर्ता गरिएको नागरिकमा खबर छ ।

२०७६ बैशाख २० गते प्रकाशित

प्रतिकृया दिनुहोस्