News Portal

मेगा बैंकको नाफा १ अर्ब २१ करोड बढि, लाभांश क्षमता कति ?

मोटिभेटन्यूज संवाददाताकाठमाडौं
४०६ पटक
काठमाडौं

काठमाडौं – मेगा बैंक नेपाल लिमिटेड चालू आर्थिक बर्षको तेश्रो त्रैमासमा १ अर्ब २१ करोड ४३ लाख रुपैयाँ खुद मुनाफा आर्जन गरेको छ । गत आर्थिक बर्षको यस अवधिसँगको तुलनामा १३१ प्रतिशतले बढाएको हो ।

दोस्रो त्रैमाससम्म ७३ करोड २० लाख रुपैयाँ खूद मुनाफा आर्जन गरेको बैंकले तेस्रो त्रैमासिक अवधिमा थप ४८ करोड २२ लाख रुपैयाँ मुनाफा आर्जन गरेको छ ।

२०७५ चैत्र मसान्तमा अघिल्लो वर्षको सोही अवधिको तुलनामा बैंकको कूल निक्षेप ३२ अर्ब २१ करोडले वृद्धि भई ७५ अर्ब २१ करोड रुपैयाँ पुगेको छ जुन ७४.८८ प्रतिशतको वृद्धि हो । त्यसैगरी, खुद कर्जा तथा सापटी २८ अर्ब ७१ करोडले वृद्धि भई ७० अर्ब रुपैयाँ कायम भएको छ जुन ६९.५४ प्रतिशतको वृद्धि हो।

बैंकको वितरण योग्य मुनाफा ७६ करोड ७४ लाख रहेको छ । यस हिसाबमा बैंकले ९.७५ प्रतिशत लाभांश वितरण गर्ने सक्ने छ । राष्ट्र बैंकले तोकेको व्यवस्था अनुरुपको व्यवस्था पश्चात कायम हुने फ्रि प्रोफिट बैंकले शेयरधनीलाई लाभांश वितरणमा उपयोग गर्न सक्दछ। तर एनएफआरएस अनुसार केहि शिर्षकमा थप रकम व्यवस्था गर्नुपर्ने भएकाले लाभांश क्षमता घट्न सक्छ । यद्दपी अन्तिम त्रैमासमा बैंकको नाफामा थप प्रगति भएको अवस्थामा बैंकको लाभांश क्षमता बढ्न सक्छ ।

त्यस्तै बैंकको प्रति शेयर आम्दाबी १५.७१, मूल्य आम्दानी अनुपात १४.४६, प्रति शेयर नेट वर्थ १२६.२०, तरलता अनुपात २२.९५ र प्रति शेयर कुल सम्पतिको मूल्य ९२६.५० रहेको छ ।

२०७६ बैशाख २५ गते प्रकाशित

प्रतिकृया दिनुहोस्