News Portal

आइतबार देशभरका अदालत बन्द हुने, यस्तो छ कारण ?

मोटिभेटन्यूज संवाददाता
५१२ पटक

काठमाडौं – आइतबार (भोली) देशभरका अदालतहरु बन्द हुने भएका छन । सर्वोच्च अदालतलले पूर्व प्रधानन्यायाधीश नयनबहादुर खत्रीको निधन भएको शोकमा देशभरका अदालत बन्द हुने भएका हुन ।

सर्वोच्च अदालतका मुख्य रजिष्टार नृपध्वज निरौलाले आज जारी गरेको प्रेस विज्ञप्तिमा पूर्व प्रधानन्यायाधीश खत्रीको निधनको शोक प्रकट गर्न यही जेठ १२ गते देशभरका जिल्ला, उच्च, सर्वोच्च, विशेष तथा न्यायाधिकरण शोक बिदाका रुपमा बन्द रहने जनाइएको छ ।

सर्वोच्च अदालतको आज बसेको पूर्ण बैठकले आइतबार शोक बिदा दिने निर्णय गरेको हो । अल्जाइमर रोगका कारण मेडिसिटी अस्पताल नक्खुमा उपचारका क्रममा बुधबार निधन भएका स्वर्गीय खत्रीको आज पशुपति आर्यघाटमा अन्त्येष्टि गरिएको छ । ललितपुर जिल्लामा मेजर दिलबहादुर खत्री र आमा अप्सरादेवी खत्रीको सन्तानका रुपमा १९८० असोज ३ गते जन्मनु भएका खत्री २०३३ साल साउन २४ गतेदेखि २०४२ मङ्सिर २५ गतेसम्म सर्वोच्च अदालतको प्रधानन्यायाधीश भएर काम गरेका थिए ।

सर्वोच्च अदालतमा प्रधानन्यायाधीश हुँदा उनले आफ्नो कार्यकालमा स्वतन्त्र न्यायपालिकाको मूल्य मान्यतालाई स्थापित गर्दै समग्र न्यायपालिकाको श्रीवृद्धिको उल्लेखनीय योगदान पुर्याएका थिए । विस २००४ मा मुलुकी अड्डा ऐसवाल फाँटबाट सरकारी सेवामा प्रवेश गरेका पूर्व प्रधानन्यायाधीश खत्रीले २००९ सालमा कानुन मन्त्रालयको सचिव हुँदै प्रधानन्यायाधीश भई न्यायको क्षेत्रमा योगदान दिएका थिए ।

२०७६ जेठ ११ गते प्रकाशित

प्रतिकृया दिनुहोस्