News Portal

यस्तो छ आजदेखि तीन दिनसम्मको मौसम

मोटिभेटन्यूज संवाददाता
१७९० पटक

काठमाडौँ – आज देशको पूर्वी क्षेत्र बाहेक सम्पूर्ण भूभागको मौसम सामान्यतया सफा रहने मौसम पूर्वानुमान शाखाले जनाएको छ ।पूर्वी क्षेत्रको मौसम आंशिक बदली हुने सम्भावना रहेको र बाँकी क्षेत्रको मौसम सामान्यतया सफा रहे पनि अपराहन्नपछि वा बेलुकातिर मध्य र पश्चिमका पहाडी क्षेत्रमा आंशिक बदली हुने सम्भावना रहेको छ ।पूर्वका थोरै ठाउँमा मेघगर्जनसहित हल्का वर्षाको सम्भावना रहेको जनाइएको छ । मध्य तथा पश्चिमको पहाडी क्षेत्रका एक–दुई स्थानमा बेलुकातिर मेघ गर्जनसहित क्षणिक वर्षाको सम्भावना पनि रहेको छ ।

यस्तो छ तीन दिनको मौसमसम्बन्धी विवरणः

जेष्ठ १४ गते (मंगलबार)

दिउँसो देशका पूर्वी भूभागमा आंशिक बदलि रहने र बाँकी भूभागमा मौसम सामान्यतया सफा रहने देखिन्छ । अपरान्ह पश्चात वा साँझतिर मध्य र पश्चिमी पहाडी भेगमा आंशिक बदलि हुनेछ । देशका पूर्वी भूभागका थोरै स्थानहरुमा मेघगर्जन सहित हल्का वर्षाको संभावना छ भने अन्य पहाडी भेगका एक दुई स्थानहरुमा अपरान्ह पश्चात वा साँझतिर मेघ गर्जन सहित क्षणिक वर्षाको सम्भावना रहेको छ ।
राति देशका पूर्वी भेग लगायत मध्य र पश्चिमी पहाडी भेगमा आंशिक बदलि रहनेछ भने बाँकी भूभागमा मौसम सामान्यतया सफा रहने देखिन्छ । पूर्वी भेगका थोरै स्थानहरुमा मेघगर्जन सहित हल्का वर्षाको संभावना छ ।

जेष्ठ १५ गते (बुधबार)

दिउँसो देशका पूर्वी र मध्य भूभाग लगायत पश्चिमी पहाडी भूभागमा आंशिक बदलि रहने र बाँकी भूभागमा मौसम सामान्यतया सफा रहने देखिन्छ । देशका पूर्वी र मध्य भूभागका केहि र पश्चिमी पहाडी भेगका एक दुई स्थानहरुमा मेघ गर्जन सहित वर्षाको सम्भावना छ। राति देशका पूर्वी भूभाग लगायत अन्य पहाडी भूभागमा आंशिक बदलि रहने र बाँकी भूभागमा मौसम सामान्यतया सफा रहने देखिन्छ । देशका पूर्वी पहाडी भेगका एक दुई स्थानहरुमा मेघ गर्जन सहित वर्षाको सम्भावना छ।

जेष्ठ १६ गते (विहिबार)

दिउँसो देशका पूर्वी र मध्य भूभाग लगायत पश्चिमी पहाडी भूभागमा आंशिक बदलि रहने र बाँकी भूभागमा मौसम सामान्यतया सफा रहने देखिन्छ । देशका पूर्वी र मध्य भूभागका केहि र पश्चिमी पहाडी भेगका एक दुई स्थानहरुमा मेघ गर्जन सहित वर्षाको सम्भावना छ । राति देशका पूर्वी भूभाग लगायत अन्य पहाडी भूभागमा आंशिक बदलि रहने र बाँकी भूभागमा मौसम सामान्यतया सफा रहने देखिन्छ ।देशका पूर्वी पहाडी भेगका एक दुई स्थानहरुमा मेघ गर्जन सहित वर्षाको सम्भावना छ ।

२०७६ जेठ १४ गते प्रकाशित

प्रतिकृया दिनुहोस्