News Portal

छि ! रेडक्रसको घिनलाग्दा हकर्बद, आफ्नालाई जागीर खुवाउन प्रश्न पत्रनै फरक ?

मोटिभेटन्यूज संवाददाता
३४४ पटक

काठमाडौं – नेपाल रेडक्रस सोसाइटीको घिनलाग्दो हर्कद बाहिरिएको छ । अघिल्लो बर्ष रेडक्रसले परीक्षा लिएर छैटौं तह लेखा अधिकृत नियुक्ति गर्दाखेरी लिइएको परिक्षामा आफ्ना मान्छेलाई जागीर खुवाउन प्रश्न पत्रनै फरक दिइएको पाइएपछि उसको घिनलाग्दो हर्कद छताछुल्ल भएको हो ।

पद उही । परीक्षा उही। हल उही । तर, प्रश्नपत्र फरक । यस्तो कहाँ हुन्छ ? अन्यत्र नभए पनि नेपाल रेडक्रसमा हुँदो रहेछ । रेडक्रसले परीक्षा लिएर छैटौं तह लेखा अधिकृत नियुक्ति गरेको एक वर्ष हुन लाग्यो। आफ्ना मान्छे पास गराउन त्यो परीक्षामा भएको बेइमानी भने बल्ल खुलेको छ। त्यसमा उही हलमा बसेका परीक्षार्थीलाई फरक प्रश्नपत्र दिइएको पाइएको छ ।

एउटा २० अंकको बाहेक अरू प्रश्न भने दुवैमा मिल्छन् । द्वितीय पत्रको नेपाली खण्डको १ नम्बरमा एउटा प्रश्नपत्रमा आन्तरिक लेखा परीक्षणबारे प्रश्न । अर्कोमा अन्तर्रा्ष्ट्रिय व्यापारबारे ।

प्रश्न फरक बन्नुको प्रकरण भने गम्भीर छ । छैटौं तहको लेखा र प्रशासनको परीक्षा उही दिन उही समय (२०७५ असार २ गते बिहान ८ बजेदेखि) भएको थियो । प्रशासनको एक प्रतिस्पर्धीलाई लेखा समूहको, त्यो पनि फरक प्रश्न दिइयो । उनको परीक्षा बिग्रियो । उनलाई षड्यन्त्रपूर्वक असफल गराएर सफल बनाइयो तत्कालीन अध्यक्ष सञ्जीव थापाकी भतिजी प्रतीक्षा थापालाई ।

उनी सञ्जीवका कान्छा भाइ राजीवकी छोरी हुन् । राजीव उदयपुरमा रेडक्रस उपशाखाका सभापति छन् । ती परीक्षार्थीलाई प्रशासनकै प्रश्न परेको भए थापाले सम्भवतः पास गर्ने थिइनन् ।

यसबारे रेडक्रस केन्द्रीय पदपूर्ति समितिका तत्कालीन सभापति सुरेन्द्र ऐरले फरकफरक प्रश्नपत्रको प्रकरण स्वीकारे । यो समाचार आजको अन्नपूर्ण पोस्ट दैनिकमा छ ।

२०७६ जेठ १७ गते प्रकाशित

प्रतिकृया दिनुहोस्