News Portal

कतार विश्वकप रंगशाला निर्माणमा खटिएका १४ सय नेपालीको मृत्यु

मोटिभेटन्यूज संवाददाता
५५१ पटक

काठमाडौं– आगामी सन् २०२२ मा हुने विश्वकप फुटबलका लागि कतारमा रंगशालमा निर्माणका क्रममा खटिएका १४ सय नेपालीले जान गुमाएको तथ्यांक सार्वजनिक भएको छ ।

कतार रंगशाला निर्माणका क्रममा ९ वर्षको अवधिमा १४ सय नेपाली कामदारको मृत्यु भएको जर्मनीको एक टेलिभिजनले खुलासा गरेको हो ।  जर्मनीको डब्लुडिआर टेलिभिजनले ‘ट्रयाप्ड इन कतार’ नामक उक्त अनुसन्धानात्मक डकुमेन्ट्रीमार्फत धेरै संख्यामा नेपाली कामदारको मृत्यु भएको तथ्यांक सार्वजनिक गरेको अरब न्युजले उल्लेख गरेको छ ।

डकुमेट्रीका अनुसार निर्माणको क्रममा हुने दुर्घटनाका क्रममा प्रत्येक वर्ष १ सय ५० जनाको ज्यान जाने गरेको छ । मृत्यु भएका नेपालीका परिवारले कुनै क्षतिपुर्ति समेत नपाएको उल्लेख गरिएको छ ।  डकुमेन्ट्रीमा कामदारहरुले स्टेडियम निर्माणका क्रममा भोगका दुःख हरु समावेश गरिएको छ ।

त्यसैगरी कतारमा रहेका नेपाली कामदारहरुसँगको संवाद पनि देखाइएको छ । भिडियोमा नेपालीहरुले आफूहरुलाई न्युनतम ज्याला समेत नदिइएको बताएका छन् ।

सन् २०१० डिसेम्बर २ तारिखका दिन कतारमा विश्वकप आयोजना हुने घोषणा भएसँगै कतारले भौतिक पूर्वाधार निर्माणका लागि कतारले विश्वका हजारौँ कामदार आफ्नो देशमा मगायो। नेपालबाट पनि हजारौँ कामदार त्यहाँ पुगेका हुन् ।

कतारको गर्मी र बासस्थानको अवस्थाले धेरैको ज्यान जाने गरेको छ । ज्यान गुमाउनेमध्ये केहीको काम गर्दा गर्दै त कोही सुतेकै अवस्थामा प्राण त्याग्छन् ।

२०७६ जेठ २८ गते प्रकाशित

प्रतिकृया दिनुहोस्