News Portal

राजपा र फोरमले संविधान जारी भएको दिन असोज ३ लाई कालो दिवसका रुपमा मनाउने

मोटिभेटन्यूज संवाददाताकाठमाडौं
१८७ पटक
काठमाडौं

काठमाडौं – संविधान जारी भएको दिन असोज ३ लाई कालो दिवस भन्दै आएको संघीय समाजवादी फोरम नेपालले यस वर्ष असोज ३ लाई कालो दिवस नभन्ने भएको छ। यसैगरी राष्ट्रिय जनता पार्टी नेपालले पनि यस वर्ष कालो दिवस नभनी विरोधका कार्यक्रम मात्र सार्वजनिक गरेको छ।

राजपाले असोज ३ लाई कालो दिवस नभनी ‘ब्ल्याक आउट’को कार्यक्रम ल्याएको छ भने फोरमले असोज ३ मा कस्ता कार्यक्रम गर्ने भन्नेबारे केही निर्णय गरेको छैन। फोरम स्रोतअनुसार नेताहरू यस वर्ष असोज ३ लाई कालो दिवस नभन्ने निष्र्कषमा पुगेका छन्। यसअघि फोरम र राजपाले असोज ३ लाई कालो दिवस भनी विरोधका कार्यक्रम बाहिर ल्याउने गर्थे। गत वर्ष ती पार्टीले जारी गरेको प्रेस विज्ञप्तिमा समेत असोज ३ लाई कालो दिवस भनिएको थियो। राजपाले असोज ३ गते राति सातदेखि सवा सात बजेसम्म १५ मिनेट ‘ब्ल्याक आउट’ गर्न मातहतका जिल्ला समितिमा सर्कुलर गर्ने निर्णय गरेको छ।

यो वर्ष फोरम सरकारमा गएको छ भने राजपा सरकारलाई समर्थन दिएको छ। संघीय सरकारमा फोरमका नेता नेता मन्त्री भएका छन् भने प्रदेश २ सरकारका नेतृत्वसमेत गरेको छ। सो कारण यस वर्ष फोरमले असोज ३ लाई कालो दिवस नभन्ने निष्कर्षमा पुगेको फोरमका एक नेता बताउँछन्। यसैगरी पार्टीले सरकारलाई समर्थन गरेकोले कालो दिवस नभनी विरोधका कार्यक्रम सार्वजनिक गरेको राजपाका एक पदाधिकारीले बताए।

२०७५ भदौ २८ गते प्रकाशित

प्रतिकृया दिनुहोस्