News Portal

महेश बस्नेत र सर्वेन्द्र खनालविरुद्ध अपहरणको मुद्धा दर्ता, २५ बर्ष जेल हुनसक्ने

मोटिभेटन्यूज संवाददाता
११४ पटक

काठमाडौं – अपहरण तथा शरीर बन्धकसम्बन्धी कसूरमा सांसद महेश बस्नेत, कृष्णकुमार श्रेष्ठ (किसान) र नेपाल प्रहरीका निवर्तमान महानिरीक्षक सर्वेन्द्र खनालविरुद्ध उजुरी दर्ता भएको छ ।

जिल्ला सरकारी वकिल कार्यालय, काठमाडौंमा सोमबार दिउँसो उजुरी दर्ता भएको सहायक जिल्ला न्यायाधिवक्ता नुमराज खनालले बताए । उनीहरुमाथि जनता समाजवादी पार्टीका सांसद डा. सुरेन्द्र यादवलाई अपहरण गरेर काठमाडौं ल्याएको आरोप छ ।

अब सरकारी वकिल कार्यालयले उजुरीमाथि अध्ययन गर्नेछ र आवश्यकता अनुसार थप प्रक्रियाका लागि प्रहरीसमक्ष पठाउनेछ ।

अपहरणको जाहेरी दर्ता गर्न सांसद यादवसहित जसपाका नेताहरु महानगरीय प्रहरी परिसर गएका थिए । तर प्रहरीले दर्ता गर्न अस्वीकार गरेपछि १६ वैशाखमा सरकारी वकिलको कार्यालय पुगेका थिए ।

तर वैशाख १६ गते सरकारी वकिल कार्यालयले पनि यादवको जाहेरी लिन मानेन । यद्यपि उजुरीको प्रति छाडेर फर्किएका थिए । सा‌ंसद यादवले राष्ट्रिय मानवअधिकार आयोगमा समेत उजुरी दिएका छन् । त्यसपछि सरकारी वकिलको कार्यालयले उजुरी दर्ता गरेको छ ।

अपहरण गरेको प्रमाणीत भए सांसद बस्नेत र श्रेष्ठलाई २५ बर्ष कदै हुनेछ भने खनाललाई १७ बर्ष कैद सजाए हुने कानुनी व्यवस्था छ ।

यो पनि पढ्नुहोस्

सांसद अपहरणबारे प्रहरी महानिरीक्षकले मुख खोले, सर्वेन्द्र खनाललाई १७ बर्ष जेल !

२०७७ बैशाख २२ गते प्रकाशित

प्रतिकृया दिनुहोस्