News Portal

एमसिसी परियोजना लागु नहुँदै ७ अर्ब झ्याम, कहाँ कहाँ भयो खर्च ?

मोटिभेटन्यूज संवाददाता
७७ पटक

काठमाडौं – विवादास्पद अमेरिकी सहायता परियोजना मिलेनियम च्यालेन्ज कर्पोरेशन (एमसिसी) मातहतको आयोजना कार्यान्वयनका लागि दुई आर्थिक वर्षमा सात अर्ब २२ करोड रुपैयाँ खर्च हुने भएको छ ।

राष्ट्रिय योजना आयोगले सार्वजनिक गरेको मध्यकालीन खर्च संरचना (२०७७/०७८, २०७९/०८०) को प्रतिवेदन अनुसार आर्थिक वर्ष २०७५/०७६ मा एमसिसी आयोजनाको लागि ८९ करोड ८२ लाख रुपैयाँ खर्च भएको थियो ।

आयोगले चालु आर्थिक वर्षमा एमसिसी आयोजना कार्यान्वयनको लागि ६ अर्ब ३२ करोड रुपैयाँ खर्च हुने संशोधित अनुमानमा प्रक्षेपण गरेको छ । एमसिसी आयोजना संघीय संसदबाट पारित हुने÷नहुने अन्योलकाबीच अहिले सरकारले आगामी आर्थिक वर्षको बजेटमा पनि एमसिसीको लागि नौ अर्ब १० करोड रुपैयाँ बजेट विनियोजन गरेको छ ।

आगामी आर्थिक वर्षको आय–व्यय अनुमानको विवरणमा वैदेशिक अनुदान शीर्षकमा एमसिसीबाट आगामी आर्थिक वर्ष २०७७/०७८ मा पाँच अर्ब ७२ करोड रूपैयाँ परिचालन गर्ने सरकारको लक्ष्य रहेको छ । यो खबर नागरिक दैनिकमा छ ।

यो रकम कर्मचारीको तलव भत्ता र कार्यलय संचालनका लागि भएको बुझिएको छ ।

२०७७ जेठ ३१ गते प्रकाशित

प्रतिकृया दिनुहोस्