News Portal

कोराना अनुसन्धानबारेका नयाँ तथ्य, २८ दिनसम्म जिवित रहन्छ कोरोना

मोटिभेटन्यूज संवाददाता
५९ पटक

काठमाडौं – कोरोना भाइरस २८ दिनसम्म जिवित रहनसक्ने एक अध्ययनले देखाएको छ । अस्ट्रेलियन शोधकर्ताहरूको एक अध्ययनले कोरोना भाइरसको संक्रमण गराउने भाइरस नोट, फोनको स्क्रिन तथा स्टिलमा २८ दिनसम्म जिवित रहन सक्ने देखाएको छ।

अस्ट्रेलियाको नेशनल साइन्स एजेन्सीको प्रयोगशाला अध्ययनले सार्स–कोभ–२ यी स्थानहरूमा सोचे भन्दा लामो समयसम्म रहने देखाएको हो। यध्यपी यो परीक्षण अध्यारो स्थानमा गरिएको थियो। यस्तै अल्ट्रा भ्वाइलेट प्रकाशले यिनलाई मार्ने यसअघि नै देखाइसकेको छ।

केही विज्ञहरूले वास्तविक जीवनमा यी सतहबाट हुने वास्तविक संक्रमणका बारेमा भने शंका व्यक्त गरिरहेका छन्। कोरोना भाइरस मुख्यरूपमा मानिसले खोक्दा, हाच्छिउँ गर्दा वा बोल्दा सर्ने गर्छ।

हावामा रहने कणहरूबाट सर्ने प्रमाणहरू पनि भेटिएका छन्। यस्तै अमेरिकाको सेन्टर फर डिजिज कन्ट्रोलका अनुसार भाइरस रहेको धातु तथा प्लास्टिकजन्य सतहको सम्पर्कमा आएमा पनि यो सर्ने सम्भावना छ। यध्यपी यो धेरै कम अवस्थामा हुने गरेको छ।

अध्ययनले के भन्छ ?

अघिल्ला प्रयोगशालाका परीक्षणमा कोरोना सार्ने भाइरसहरू नोट र सिसामा दुई देखि तीन दिनसम्म तथा प्लास्टिक र स्टिलमा ६ दिनसम्म रहनसक्ने देखाएको थियो। यध्यपी यसका परिणामहरू फरक हुनसक्छन्।

अष्ट्रेलियन शोधकर्ताहरूको अध्ययनमा भाइरस मोबाइलमा हुने सिसा, प्लास्टिक र कागजको नोटमा कोठाको तापक्रम २ डिग्री सेल्सियसमा २८ दिनसम्म धेरै बलियो रूपमा रहने पाइएको छ।

यसको दाँजोमा फ्लु भाइरस भने १७ दिनसम्म रहने अध्ययनले देखाएको छ। भाइरोलोजी जर्नलमा प्रकाशित अध्ययनका अनुसार कोभिड भाइरस चिसोमा भन्दा धेरै तापक्रममा कम समय बाँच्ने गर्छ। २४ घण्टाको अवधिमा ४० डिग्री सेल्सियसमा तापक्रममा भने सो भाइरस केही सतहहरूमा संक्रामक हुन बन्द हुने गरेको अध्ययनमा पाइएको छ।

यो कपडा जस्ता झरझरा पदार्थहरू भन्दा चिल्लो, गैर(झरझरा सतहहरूमा पनि लामो समयसम्म रहने गरेको पाइयो जबकी कपडा जस्ता पदार्थहरूले १४ दिनपछि कुनै संक्रामक भाइरस बोकेको पाइएन।

२०७७ असोज २६ गते प्रकाशित

प्रतिकृया दिनुहोस्