News Portal

एसियाली खेलकुद : नेपाल पाकिस्तानसँग २-१ ले पराजित

मोटिभेटन्यूज संवाददाताकाठमाडौं
२२५ पटक
काठमाडौं

भदौ ३, काठमाडौं – १८ औं एसियाली खेलकुद प्रतियोगिता अन्तर्गत फुटबल खेलमा नेपालको २३ वर्षमुनिको टिम पाकिस्तानको २३ वर्षमुनिको टिमसँग २-१ ले पराजित भएको छ ।

इन्डोनेसियाको प्याट्रिओट चन्दबागा रंगशालामा खेलको १२ औं मिनेटमा नै आत्मघाती गोल उपहार पाएर अग्रता बनाएको नेपालले दोस्रो हाफमा अग्रता जोगाउन सकेन ।

पाकिस्तानका लागि खेलको ५४ औं मिनेटमा बिलाल मुहम्मदले गोल गरेर बराबरी बनाएका थिए । ७२ औं मिनेटमा पाएको पेनाल्टी सदुपयोग गर्दै सद्दाम हुसैनले विजयी गोल गरे ।

पहिलो हाफमा पाकिस्तानलाई दबावमा राखेको नेपालले दोस्रो हाफमा सामान्य गल्ती गर्दा पराजित हुनुपर्‍यो ।

६८ प्रतिशत समय बलमा नियन्त्रण राखेपनि नेपालले गोल गर्न सकेन । खेलमा नेपालले १५ प्रहार गरेकोमा ४ प्रहार पोस्टको दिशामा थियो । पाकिस्तानले प्रहार गरेका १२ प्रहारमा ५ प्रहार पोस्टको दिशामा रहेको थियो ।

२०७५ भदौ ३ गते प्रकाशित

प्रतिकृया दिनुहोस्