News Portal

जनपत्रकार संगठन नेपालका संयोजक विक रिहा

मोटिभेटन्यूज संवाददाता
१२५ पटक

काठमाडौं – जनपत्रकार संगठन नेपालका संयोजक शेरबहादुर विक (दर्शन) लामो समयको हिरासत बसाई पछि रिहा भएका छन् । काठमाडौंको नारायणगोपाल चोकबाट पक्राउ परेका विकलाई जिल्ला प्रशासन कार्यलय अछामले साधारण तारिखमा रिहा गरेको हो ।

संगठनको काम गर्दै गर्दा राष्ट्रिय अनुसन्धान विभागको टोलीले उनलाई पुस २० गते पक्राउ गरेको थियो । केही समय महानगरिय प्रहरी बृत महाराजगञ्जको हिरासतमा रहेका उनलाई जिल्ला प्रशासन कार्यलय काठमाडौंले साधारण तारिखमा रिहा गरेको थियो । रिहा भए लगत्तै उनलाई प्रहरीले आछाम जिल्ला पुर्याएको थियो ।

केही सयम अछाम जिल्लाको हिरासतमा रहेको उनलाई जिल्ला प्रशासन कार्यलय अछामले साधारण तारिखमा रिहा भएका हुन् । हातहतिया तथा खरखजना मुद्धामा पक्राउ परेका उनलाई जिल्ला प्रशासन कार्यलय अछामले आइतबार रिहा गरेको हो ।

अछाममा उनका दुई ओटा मुद्धा थिए । ती दुबै मुद्धामा बोलाएको समयमा उपस्थित हुनेगरी साधारण तारिखमा रिहा गरेको उनका भाई भरतबहादुर विकले बताए ।

२०७७ माघ ११ गते प्रकाशित

प्रतिकृया दिनुहोस्