News Portal

प्रहरी प्रमुखको निवाससँग जोडिएको घरमा बस्दै आएकी एक महिलाको हत्या

मोटिभेटन्यूज संवाददाताकाठमाडौं
१०८७ पटक
काठमाडौं

कात्तिक ३,  सप्तरी – शुक्रबार यहाँ एक जना एकल महिलाको हत्या भएको छ ।

राजविराज नगरपालिका–६ स्थित जिल्ला प्रहरी कार्यालय प्रमुखको निवाससँग जोडिएको घरमा एक्लै बस्दै आएकी ५० वर्षीया आशा देवको हत्या भएको प्रहरीले जनाएको छ ।

मृतकको टाउकोमा इँटा प्रहार गरी हत्या गरेको अनुमान प्रहरीको छ । रक्ताम्य अवस्थामा शुक्रबार बिहान उनको शव फेला परेको हो । मृतकको टाउको र दायाँ आँखामा गम्भीर चोट लागेको छ । प्रहरीका अनुसार टाउकोमा छ इन्च लम्बाइ र चार इन्च चौडाइको गहिरो खत रहेको छ ।

रगत लागेको इँटा प्रहरीले बरामद गरेको छ । शव परीक्षणका लागि राजविराजस्थित अञ्चल अस्पतालमा राखिएको प्रहरीले जनाएको छ ।

२०७५ कात्तिक ३ गते प्रकाशित

प्रतिकृया दिनुहोस्