News Portal

के होला आजको मौसम ? पानी पर्ला त ?

मोटिभेटन्यूज संवाददाताकाठमाडौं
२३७ पटक
काठमाडौं

चैत्र १७ काठमाडौँ – देशका अधिकांश क्षेत्रको मौसम आइतबार पनि बदली हुने जल तथा मौसम पूर्वानुमान महाशाखाले जनाएको छ । पूर्व र मध्य क्षेत्रमा सामान्य बदली हुने र बाँकी क्षेत्रको मौसम आंशिक बदली हुने मौसमविदले बताएका छन् ।

पूर्वका केही ठाउँमा मेघ गर्जनसहित पानी पर्ने सम्भावना छ । यस्तै मध्यका थोरै र पश्चिमका एक–दुई स्थानमा पानी पर्ने सम्भावना छ । पानी ठूलो नभई क्षणिक रहने मौसमविदले बताएका छन् ।

उच्च पहाडी क्षेत्रका केही ठाउँमा हल्का हिमपातको सम्भावना छ । काठमाडौँ उपत्यकामा बिहान घाम लागे पनि दिउँसोतिर बदली हुने सम्भावना छ ।

पश्चिममा पश्चिमी वायु तथा मध्य र पूर्वमा न्यूनचापीय प्रणालीका कारण मौसम बदली भएको र केही दिन मौसम बदलीकै अवस्था रहने देखिएको छ ।

२०७५ चैत १७ गते प्रकाशित

प्रतिकृया दिनुहोस्