News Portal

एक महिनाका लागि बन्द हुदैँ विमानस्थल

मोटिभेटन्यूज संवाददाताकाठमाडौं
२२७ पटक
काठमाडौं

काठमाडौँ – प्रदेश नम्बर ७ कै सबैभन्दा ठूलो सहरमा रहेको धनगढी विमानस्थल एक महिनासम्मका लागि विमानस्थलमा उडान बन्द गर्न लागिएको हो । धावन मार्ग अति जिर्ण भईसकेकाले स्तरोन्नतीका लागि वैशाख २२ गतेदेखि विमानस्थल बन्द गर्न लागिएको हो ।

विमानस्थलका प्रमुख तेज बहादुर थापाका अनुुसार झण्डै २२ करोडको लगानीमा धनगढी विमानस्थलमा धावनमार्ग र पार्किङ क्षेत्र विस्तारको कार्य हुने भएकाले एक महिनाका लागि बन्द गर्ने निर्णय गरिएको हो । त्रिभुवन विमानस्थल पछिको सवैभन्दा ठुलो धावनमार्ग रहेको धनगढी विमानस्थलमा धावन मार्ग र पार्कीङ क्षेत्र विस्तारका लागि ठेक्का सम्झौता भएको छ । त्यसको ठेक्का लुम्वीनी, कोषी एण्ड न्यौपाने, खड्का, कोईराला जेभी काठमाडौँले पाएको नेपाल नागरिक उड्डयन प्राधिकरणका प्रवन्धक तथा धनगढीमा निर्माण आयोजनाका प्रमुख रत्नवहादुर श्रेष्ठले जानकारी दिए ।

नेपाल नागरिक उड्डयन प्राधिकरणले चालु आर्थिक वर्षभित्र सेवा सुधारका लागि धनगढी विमानस्थलमा विभिन्न काम गर्दै आएको छ । नेपाल नागरिक उड्डयन प्राधिकरणका अनुसार धनगढी विमानस्थलमा अहिले ६० मिटर चौडाई र १८ सय मिटर लम्वाईको कालोपत्रे धावनमार्ग रहेको छ ।

२०७६ बैशाख १३ गते प्रकाशित

प्रतिकृया दिनुहोस्